Duties of the Heart, Addenda, Admonition 9

נפשי. אם חכמת חכמת לך. ואם לצת אתך תלין משוגתך. שמעי מוסר וחכמי ואל תפרעי. שיתי על לבך תמיד. דברי קהלת בן דוד. סוף דבר הכל נשמע. את האלהים ירא ואת מצותיו שמור. כי זה כל האדם. כי את כל מעשה האלהים יביא במשפט. על כל נעלם. אם טוב ואם רע. ואל תשכחי ביד כל אדם יחתום. לדעת כל אנשי מעשהו. וזכרי אין חשך ואין צלמות. להסתר שם פועלי און. בקשי את יי קונך. בכל כחך ואונך. בקשי צדק בקשי ענוה. אולי תסתרי ביום אף יי. וביום חרון אפו. ותזהירי כזהר הרקיע וכצאת השמש בגבורתו. ותזריח עליך שמש צדקה ומרפא בכנפיה. ועתה קומי לכי והתחנני לאדוניך. ושאי זמרה לאלהיך. הללי יה כי טוב זמרה לאלהינו. כי נעים נאוה תהלה: